Unan pa baya an makadawg,
Sa pagtiripun ning mga mawrag.
Didi sa Sumlang, sa panilan ni Magayon na Ina,
Mga Kamalignon, tunay na Miraya.
Mga boses, sing lumok san Pinangat,
Urgulyo san banwang padangat.
Si Inang Magayon nagapitong, mga akos nya tiripon.
Nyanga ta ngana sana nagpakarumdom?
Nag ulat, nag mundo, na pungaw, ulay na panawn,
Maray ngani ta ngana, burunyog, tiripon.
An paros naga hapros, labi-labi an kawgman,
Pigapamate an pagkamoot, ni Inang Magayon.
Agad nya satun, mga kapwa Kamalignon,
Indi paglipngan, mga istoryang suanoy.
Ipakita sa ngamin, kita mga uragon.
Ikanta, irawitdawit, makolor na kultura.
Na sanyang tinuro, pinakita,
Mag pun sa pagkagimata.
Nyanga ta an iba, sa luwan nagpangilala?
Didi sa Kamalig pwede man sana.
Didi sa Kamalig na padaba ta.
Mga'kos ngana, indi tataw sa sadiring kultura
Naukdan lugod, mga dayong istorya.
Naukdan lugod, mga dayong kanta.
Kisay na sala, sisay an basulon?
Kundi kitang mga gurang, baya satun na uru-urupon.
Uno an dapat tang ipamana?
Uno an dapat na iambug san usad na banwa?
Kun maski sa ginitan, ura sana!
dcp'16
No comments:
Post a Comment